ILOILO CITY- Nasapwan nga wala na sang kabuhi ang lapsag nga babaye nga yara sa baybayon nga sakop sang Guimbal, Iloilo.
Sa interview sang Bombo Radyo kay Punong Barangay Glenda Gemal sang Baras, Guimbal, iya ginpahayag nga nakit-an sang mga manugpangisda ang baby girl nga nagalutaw sa lawod.
Wala sang panapton ang lapsag kag yara na sa state of decomposition nga posible suno sa punong barangay, duha ukon tatlo na ka adlaw ini nga yara sa tubig dagat.
Pahayag sang natungdan, yara pa ang umbilical cord sang lapsag.
Sa subong, gina-imbestigaran na sang kapulisan kag sang DSWD ang natabo sa bata.
