Nagpaandam ang Estados Unidos sang indi basta-basta nga kunsekwensya pananglitan magtimalos ang Iran sa Israel nga amo ang maga-atrasar na naman sang ginahitso subong nga peace talks sa Gaza war.
“It was Hamas, a proxy of Iran, that started this war on October 7, and it would be ironic if Iran was do something to basically derail what we think is the best opportunity at a very comprehensive ceasefire and hostage release deal that we have had in many months,” suno sa wala ginhingadlan nga US official base sa reports sang Time of Israel.
Una na nga ginpahayag ni President Joe Biden nga ang hostage-for-ceasefire deal sa Gaza war ang nagahingapos na matapos ang duha ka adlaw nga pag-istoryahanay sa Qatar.
Sa amo nga diskusyon, may yara sang US mediators nga nagpresentar sang mga proposal para nga makahangpanay ang Hamas kag ang Israel.
Magluwas sa American mediators, yara man sa Qatar ang Israeli, Egyptian, kag Qatari officials para sa ginaduso nga Gaza truce.
Ang ginabantayan subong nga pagtimalos sang Iran ang kasunod man sa strike sang Israel sa Tehran sang nagligad nga Hulyo 31 kun sa diin napatay gid ang Hamas political chief nga si Ismail Haniyeh.
