ILOILO CITY- Napapanaog na gikan sa kabukiran ang bangkay sang tatlo ka mga high-ranking leaders sang Communist Terrorist Group (CTG) matapos nagluntad ang engkwentro sa tunga sang katapo sang gobyerno kag Regional Headquarters (RHQ) and Central Front, Komiteng Rehiyon-Panay (CF, KR-P) sa Brgy. Cabatangan, Lambunao, Iloilo sang Huwebes, Agosto 15, 2024.
Ang mga napatay amo ang masunod:
- Vicente Hinojales, kilala man sa ngalan nga Arjie/ Hadjie/LJ, isa ka mataas nga lider sang New People’s Army, nga naghalin sa Matalam, North Cotabato, kag nagaserbe bilang Regional Secretary sang Komiteng Rehiyon-Panay.
- Maria Concepcion Araneta Bocala, kilala man sa ngalan nga Concha, 1st Deputy Secretary, KR-P, kag National Democratic Front Consultant nga naghalin sa Brgy. Pueblo, Concepcion, Manduriao, Iloilo City.
- Vivian Torato Teodosio, kilala sa ngalan nga Minerva/Mara/Moray, Secretary of Central Front, KR-Panay, residente sang Rodriguez St., Sta. Barbara, Iloilo.
Sa interview sang Bombo Radyo kay Lt. Col. J-jay Javines, Chief, 3rd Division Public Affairs Office, iya ginpahayag nga matapos ang pila ka adlaw nga ginpaiway ang pag-airlift sa mga bangkay, natigayon ini subong nga adlaw bangud nangin paborable ang tiempo.
Gindala naman ang lawas sang mga rebelde sa isa ka funerarya sa Lambunao kun kun may yara sang mag-claim, i-release gilayon ini sa pamilya.
