Ginbulgar sang singer nga si Gerald Santos nga ginhimuslan siya sang isa ka musical director sang isa ka popular nga TV network 19 ka anyos na ang nagligad ukon sang tion nga isa pa lamang siya ka menor de edad.
Natabo ang testimoniya ni Santos sa hearing sang Senate Committee on Public Information and Mass Media kun sa diin gina-imbestigaran ang complaints sang abuse kag harassment sa entertainment industry.
Yara na subong sa 30s ang pang-edaron ni Gerald, apang wala sini napunggan nga maghilibion sang nagpanugid sa atubang sang mga senador nga wala siya na-harass ukon na-abuso kundi na-“rape.”
“Ako po ay hindi po na-harass, hindi po na-abuse. Ako ay na-rape po. Na-rape po ako, your honor,” pahayag sini kay Senator Jinggoy Estrada nga amo ang chairman sang committee.
Sa statement sini, natabo ang insidente sang 2005 sang nagaedad siya sang 15-anyos.
Ginpahayag sini nga halos duha ka dekada niya nga gin-sikreto ang natabo sa iya bangud sa kahadlok kag kahuya, ilabi na bangud sang amo nga tion, daw nabatygan niya nga wala man siya ginapamatian kag daw kinahanglan na niya mag-“move on” bangud amo na ini ang dalagan sang industriya.
“For 19 years ki-neep ko lamang ito dahil sa takot ko nga po, sa kahihiyan. Hiyang-hiya po talaga ako lalo na noon dahil ‘yung grupo na nasa loob ay parang dini-dismiss lang nila ‘yung sinabi ko, na parang mag-move on ka na lang kasi kalakaran ‘yan dito.”
“Kaya ‘di ko nasabi agad… sa parents ko na iyak na lang nang iyak. Kinamatayan na ng lolo ko sa sama ng loob niya kasi ‘di po ako nabigyan ng katarungan po,” pahayag sini.
Sang ginpamangkot kun nagaplano ini nga mag-file sang reklamo, ginsiling ni Gerald nga gusto gid sini kasuhan ang perpetrator apang wala siya sang means.
“Kaya ako po ay naninik-loob sa inyo. After po nu’ng nagreklamo ako sa GMA, natanggal po ako sa GMA, halos gumapang po kami. Dumating sa point na gusto ko na rin tapusin ang buhay ko. Hirap na hirap po ako kung paano ko itataguyod ang pamilya ko,” dugang sini.
Una nga nagguwa ang istorya ni Gerald sang nagpaguwa ini sang statement nga kuntani mahatag kay Sandro Muhlach ang hustisya nga wala niya naangkon sang tion nga siya ang naka-eksperyensya sini sa network.
Matandaan nga si Sandro nga anak ni Niño Muhlach ang nagreklamo sang sexual abuse batok sa duha ka independent contractors sang GMA 7 bangud sa ginaalegar pag-abuso sa iya kadungan sang gala night sang Hulyo. Pormal na nga napasaka ang criminal complaint sa Department of Justice subong nga Lunes.
