ILOILO CITY- Gin-athag sang World Health Organization nga indi makumpara sa Coronavirus disease 2019 (COVID-19) ang bag-o nga mpox outbreak bangud nga mas madamo na ang impormasyon tuhoy sa virus kag pamaagi agud macontrol ini.
Suno kay World Health Organization European director Hans Kluge,apisar nagakinahanglan pa sang dugang nga research sa Clade 1b strain nga nag-trigger sa UN agency nga magdeklarar sang international health emergency, ang paglapta sang mpox ang mahimo nga makontrol.
Sang July 2022, ang World Health Organization ang nagdeklarar sang emergency kaangot sa international outbreak sang less severe nga Clade 2b strain sang mpox, nga nag-apekto sa mga lalaki nga nagpakighilawas sa kaangay nga lalaki.
Ang alarm gin-lift sang Mayo 2023.
Suno kay Kluge, nakontrol ang mpox sa Europe bangud sa direct engagement sa pinakaapektado nga mga komunidad.
Dugang niya, ang mabaskog nga surveillance, pag-imbestigar sa case contacts, kag behavior changes sa mga komunidad kag vaccination ang nangin rason sa pagkontrol sang outbreak.
Diri naman sa Pilipinas, gin-athag man sang Philippine Health department nga ang Mpox indi isa ka epidemic kag indi man tuman ka makalalaton.
Suno kay Health Secretary Ted Herbosa,ginapaandaman lang ang publiko natuhoy sa community transition sang virus, nga mahimo makuha paag sa direct contact sa bodily fluids ukon skin-to-skin contact.
May yara subong sang isa ka kaso sang mpox sa pungsod kag ang pasyente ang yara sa isolation.
Sang Agusto 15, gindeklarar sang World Health Organization ang global public health emergency kasunod sang outbreak sang virus sa Democratic Republic of Congo.
