Ginhatagan sang importansya ni Senate Majority Leader Francis Tolentino ang importansya sa pag-angkon sang isa ka ahensya nga magatutok sa problema sa tubig sa pungsod.
Sa interview sang Bombo Radyo kay Tolentino, iya ginpahayag nga ang pag-angkon sang Department of Water Resources ang mangin isa ka long-term solution.
Suno sa senador, sang tion sang El Niño phenomenon, nabatyagan ang kakulang ang tubig sa diin indi nangin mayo ang epekto sang krisis nga ini sa pangabuhi kag ikaayong lawas sang mga Pilipino.
Ginpahayag sini nga pirmado sang 21 ka mga senador ang committee report kaangot sa hagna nga pagtukod sang Department of Water Resources ukon Senate Bill 2771.
Katuyuan sini nga magtukod sang separado nga ahensya nga amo ang magatutok sa suplay kag distribusyon sang matinlo nga tubig; maghimo kag magpatuman sang mga programa agud masolbar ang mga pagbaha; kag siguraduhon nga integrated ang mga polisa sang tanan nga ahensya sang gobyerno kaangot sa water security.
