ILOILO CITY – Ginpabugal sang Iloilo City Government ang pasidungog nga nabaton bilang isa sa mga Most Competitive Highly Urbanized Cities sa bilog nga Pilipinas.
Sa interview sang Bombo Radyo kay Ms. Velma Lao, department head sang Local Economic Development and Investment Promotion (LEDIP), iya ginpahayag nga ang nasambit pasidungog ang ginhatag kadungan sang Cities and Municipalities Competitive Index Awards 2024 sa Creative Cities and Municipalities Congress.
Suno kay Lao, ang Department of Trade and Industry (DTI) amo ang nagpili sa mga syudad kag banwa santo sa
5 Pillars nga ginalakipan sang: Economic Dynamism, Government Efficiency, Infrastructure, Resiliency, kag Innovation.
Sa kabug-usan, lakip man sa mga awards nga nabaton sang syudad amo ang:
Top 5 sa Overall Most Competitive Highly Urbanized Cities – No. 1 outside Metro Manila
Top 1 sa Government Efficiency
Top 5 sa Innovation
Top 7 sa Economic Dynamism kag
Top 9 sa Infrastructure.
