Gin-anunsyo ni Former President Donald Trump nga may nahimo na sila nga kasugtanan agud mag-partisipar ini sa isa ka debate kay Vice President Kamala Harris nga natalana sa September 10 sa Philadelphia sa ABC News.
Kasunod ini sang una naggwa nga impormasyon nga posible nga mag-atras si Trump sa amo nga debate matapos ginpasibangdan sini ang host nga ABC News nga indi patas sa Republican Party partikular ang pagtrato sa Republican Senator nga si Tom Cotton sang Arkansas sang gin-interview ini sang network sang nagligad nga adlaw.
Ang pinakaulihi nga anunsyo ni Trump ang kasunod man sang malawig nga negosasyon sa tunga sang Trump kag Harris campaigns, kun sa diin nangin isyu ang pila ka debate protocols, partikular ang pag- mute sang microphones kun wala na nagahambal ang kandidato.
Suno kay Trump,ang ipatuman nga rules ang pareho man sa nagligad nga CNN debate, nga epektibo kag paborable para sa ila.
