Panibag-o nga milestone na naman ang nalab-ot sang P-pop powerhouse SB19 sa ila career matapos nga ang “Pagtatag!” documentary nga nagasaysay sang ila istorya bilang grupo ang nangin highest-grossing Filipino documentary film.
Nagpasalamat ang grupo sa tanan nga fans kag ginahalad nila ini sa tanan nga supporters.
Ang nasambit nga documentary film nagasentro sa kabudlay nga gin-agyan sang SB19 sa ila bilog nga “Pagtatag!” era, kalakip na ang production sang ila EP, world tour, kag ang ila legal battle sa ila anay agency nga ShowBT Philippines.
Sa isa ka talkback session para sa film, ginsiling sang grupo nga ang “Pagtatag! The Documentary” isa ka pamaagi sa pag-connect sa ila fans samtang naga- inspire sa mga viewers nga ipakigbato ang handom.
