ILOILO CITY-Gin-ako sang Western Visayas Alliance of Transport Corporation and Cooperative, Incorporated (WVATCCI) nga pagpanghangkat sa ila ang pagpagwa sang card nga gamiton sa cashless payment sa modernized jeepney units nga nagabyahe sa syudad.
Sa interview sang Bombo Radyo kay Halley Alcarde, general manager sang kooperatiba, iya ginpahayag nga isa sa nagapanguna nga rason amo nga pigado ang sales talk sang mga empleyado sang provider nga nakatoka sa pagbaligya sang card kag siya mismo ang nakakita sini.
Suno kay Alcarde, sa pihak sang ila promosyon sa cashless payment gamit ang card bangud ini tuman ka convenient, ginatugyan nila sa gihapon sa publiko ang pagsuporta sa amo nga sistema sang pletehay sa modernized jeepneys.
Nahibaluan nga una na nga gina-negosyar ang mga buluthuan may kaangtanan sa cashless payment sang mga estudyante pinaagi sa paggamit sang Panay Card.
Ang Panay card ang isa ka Automatic Fare Collection System nga powered sang Sunmi upod ang Nfinite IT Solutions Services Inc. nga nagapasiguro sang matalunsay nga eksperyensya para sa commuters.
