Nakaabot na sa Papua New Guinea si Pope Francis para sa second leg sang iya nga apostolic trip subong nga Septyembre.
Gin-abi-abi ang 87-anyos nga Santo Papa paagi sa cannon salute kag marching band sa paluparan sang kapital nga Port Moresby matapos ang anum ka oras nga flight halin sa Jakarta, Indonesia.
Sa welcome ceremony, nadulaan sang balanse ang Pope samtang nagasaylo halin sa wheelchair pakadto sa bangko apang madasig siya nga nabuligan sang iya nga security guards.
Samtang nagabyahe naman si Pope pakadto sa Papua New Guinea, ginkumpirma man sang mga pulis sa Indonesia nga pito gid ka mga tawo ang ila gin-detain sa Java kag Sumatra regions bangud sa suspetsa sa paghimo sang pamahog sa social media nga magpatigayon sang suicide bombings kadungan sang papal events kag gub-on ang security protocol para sa Santo Papa.
Ginsiling sang elite counterterrorism squad nga Aswin Siregar nga publicity-seeking exercise ukon pasapak-sapak lamang ang amo nga mga pamahog apang padayon nila ini subong nga gina-imbestigaran.
Sa Papua New Guinea, kabahin sang agenda ni Pope ang naangot sa social justice priorities.
Ini nga Commonwealth nation ang puluy-an sa masobra 10 million ka mga tawo kun sa diin kadam-an amo ang subsistence farmers.
(Photo: Guglielmo Mangiapane/Reuters)
