ILOILO CITY- Nagpahanumdom ang Department of Trade and Industry (DTI) sa mga local retailers sa syudad kag probinsya sang Iloilo batok sa pagpasaka sang presyo sa basic necessities kag prime commodities.
Kasunod sini sang Automatic Price Control (APC) matapos ang deklarasyon sang state of calamity bangud sa dengue outbreak.
Sa interview sang Bombo Radyo kay Dorita Chavez, trade industry development specialist sang Department of Trade and Industry-Iloilo, iya ginpahayag nga samtang nagapabilin ang Automatic Price Control , ginadumilian ang pagpasaka sa presyo.
Suno kay Chavez, base sa monitoring, wala sang pagbag-o ukon stable gihapon ang presyohanay base sa suggested retail price (SRP) guidelines.
Kalakip sa ginabantayan sang ahensya amo ang essential items pareho sang delata, tinapay, tubig, instant noodles, kape, habon kag iban pa.
