ILOILO CITY- Ginpili sang iban nga mga pumuluyo sa coastal barangay sa syudad nga magtinir sa ila mga puluy-an.
Ini sa pihak sang dalagko nga mga balod nga nagahampak sa ila mga balay.
Sa interview sang Bombo Radyo kay Rofelia Robles, residente sang Brgy. Sto Niño Sur, Arevalo, Iloilo City, iya ginpahayag nga naanad naman sila diri ilabi na kun malain ang tiempo.
Suno kay Robles, indi man nila mabayaan sang dali-dali ang ila mga balay kag propedad.
Ginpahayag niya nga nagaaligmat lang sila sa tion nga kinahanglan na gid nila nga mag-evacuate.
