ILOILO CITY – Ginpasundayag sang mga estudyante sang Iloilo Science and Technology University (ISAT-U) ang nagkalain-lain nga mga talento kadungan sang ila 119th Founding Anniversary.
Tema sang selebrasyon subong nga tuig amo ang “Forging Sustainable Futures Through Future- Ready Education.”
Sa interview sang Bombo Radyo kay Natalie Gamuyao, literary coordinator, iya ginpahayag nga may ginpatigayon sila nga literary-musical contest sa diin ginpakita nila nga indi lang sila nakatutok sa academics kundi mangin sa extra-curricular activites.
Suno kay Gamuyao, ang mga participants ang naghalin mismo sa nagakalain-lain nga mga campuses.
Bwas, pormal na nga magatakop ang aktibidad.
Nahibaluan nga ang ISAT-U amo ang venue sang mga programa sang network kag isa na diri ang Dugong Bombo nga patigayunon sa palaabuton nga Nobyembre 16.
