Kaangay sang uga, indi man palan-uson ini nga balita.
Sang Setyembre 15, 2024, sa Iloilo Sports Complex, ginpatigayon ang Liga Day Festival Costume Competition kun sa diin ang nagdaog amo ang ka unique nga costume halin sa Estancia, Iloilo.
Ang costume nga gin-design ni Vincent John Bacos ang ginkilala nga kampeon.
Makit-an sa costume ang mga indigenous nga materyales pareho sang kapil kag tuod-tuod nga mga uga, nga nagapakita kon ano ang lokal nga kultura sang banwa.
Bisan nagapanimaho sang uga, wala labot diri ang muse nga si Cherry Mae Gamgam kag escort nga si Rey Anthony Andayran nga amo ang nagsuksok sang nagrampa sang amo nga costume.
Tuman naman ang kalipay sang mga delegado sang banwa sa pagpanguna ni Liga President Arleen Bacos bangud sa pagkilala sa talento sang mga taga-Estancia.
