ILOILO CITY- Nanindugan si Iloilo City Councilor Sedfrey Cabaluna nga indi dapat ginagamit ang tinaga nga agi bilang pagpang-insulto ukon expression.
Kasunod ini sang liwat nga pagtawag ni Councilor Romel Duron kay Cabaluna nga nagainagi sa ginpatigayon nga deliberasyon sang franchise sang tricycle sa regular session sang Iloilo City Council.
Sa interview sang Bombo Radyo kay Councilor Sedfrey Cabaluna, iya ginpahayag nga bilang pagsuporta sa LGBTQ community, wala nagakabagay nga hatagan sang negatibo nga kahulugan ang amo nga tinaga.
Nagpangayo man ini sang pasaylo bangud sa natabo.
Bilang sabat naman sa ginhimo ni Duron, ginsiling ni Cabaluna nga bayluhan nalang niya ini sang pagpalangga sa baylo nga kaakig ukon kalain sang buot.
