ILOILO – Emosyonal ang focal person sang Iloilo Provincial Social Welfare and Development Office matapos nakabaton sang Presidential Lingkod Bayan Award.
Ini amo si Social Welfare Officer IV Ann Rapunzel “Rara” Ganzon.
Si Rara ang anak ni Iloilo City Vice Mayor Jeffrey Ganzon kag utod ni Iloilo City Councilor Rudolph Ganzon.
Nahibaluan nga mismo si President Ferdinand “Bongbong” Marcos Jr. ang naghatag sang pasidungog sa ginpatigayon nga Awards Rites for the 2024 Outstanding Government Workers sa Malacañang Palace.
Sa interview sang Bombo Radyo kay Rara, iya ginpahayag nga wala sang katupong ang iya kalipay bangud sa pagkilala sa iya kawsa sa pagpasanyog sang kabuhi sang mga persons with disabilities sa probinsya sang Iloilo.
Suno kay Ganzon, malipayon siya bangud sa anom ka mga awardees sa Pilipinas, isa siya sa mga nakabaton sang pasidungog.
Nahibaluan nga may yara man si Rara sang nabaton nga gold-gilded medallion, Presidential Plaque kag P200,000 cash reward.
Entitled man si Ganzon sa automatic promotion sa mas mataas nga position.
