Gin-anunsyo ni United States President Joe Biden ang masobra $8 billion ukon P446.95-billion nga dugang nga military assistance para sa Ukraine para mabatuan sini ang Russian invasion.
Lakip sa assistance amo ang labing-una nga shipment sang precision-guided glide bomb nga ginatawag nga Joint Standoff Weapon.
May range ini nga tubtub sa 81 miles (130 km).
Ini nga medium-range missile ang may ihatag nga daku nga pag-upgrade sa Ukraine ipaanggid sa mga weapon sini nga ginagamit agud iguon ang pwersa-militar sang Russia.
Ini nga mga bomba natalana nga idagdag gamit ang fighter jets.
Ang iban pa nga assistance sang US ang magahatag sa Kyiv sang dugang nga air defense, unmanned aerial systems kag air-to-ground munitions, kag pabaskugon man ang defense industrial base kag suportahan ang maintenance and sustainment requirements.
Sa statement sang 81-anyos nga presidente, ginsiling sini nga prayoridad gid niya nga proteksyunan kag suportahan ang Ukraine sa tunga sang Russian invasion nga nag-umpisa sang Pebrero 2022.
Ini nga development ang kasunod sa pagpakita ni Ukrainian president Volodymyr Zelensky kay Biden amo man sa Democratic and Republican lawmakers sa US Capitol.
