Napilian ang Filipina actress kag beauty queen nga si Kylie Versoza nga mag-host sa preliminary kag grand finale events sang Miss Cosmo pageant sa Vietnam.
Matabo ang preliminary night sa Oktubre 4 samtang balantayan naman ang grand finale sa Oktubre 5 nga pareho nga patigayunon sa Phu Tho Stadium sa Ho Chi Minh City.
“Verzosa, who was crowned Binibining Pilipinas International 2016 and Miss International 2016, brings her elegance, charisma, and world-class stage presence to one of the most anticipated events of the year,” base sa post sang Miss Cosmo page.
“As the host of Miss Cosmo 2024, Verzosa is poised to elevate the event with her grace, poise, and captivating presence,” dugang sang announcement.
Una naman nga gin-anunsyo sang Miss Cosmo pageant nga magapungko man sanday former Miss Universe Organization President Paula Shugart kag 2021 Miss Universe winner Harnaaz Sandhu sa jury panel.
Sa sini nga pageant, ang naga-tiglawas sa Pilipinas amo si Ma. Ahtisa Manalo nga nangin 2018 Miss International first runner-up.
Sa preliminary activities, si Ahtisa ang nagdaog sa ‘First Station’ sang Miss Cosmo’s People’s Choice Award.
Nagsugod ang Miss Cosmo 2024 sang September 15 sa isa ka sashing ceremony kag magalawig tubtub sa October 5.
