Ginklaro ni former Senator Panfilo “Ping” Lacson nga magapadalagan siya bilang independent candidate sa eleksyon sa masunod nga tuig apisar nalakip man siya sa senatorial slate nga gin-anunsyo ni President Ferdinand Marcos Jr. sang nagligad nga semana.
“I am running as an independent candidate, not being a member of a political party,” kabahin sang statement sa iya official social media page.
Pahayag sini, isa siya ka guest candidate sang Nationalist People’s Coalition (NPC) nga kabahin sang alyansa sang lima ka major political parties sa idalom ni Marcos.
“I am a guest candidate of the Nationalist People’s Coalition (NPC), which is part of an alliance of five major political parties that includes the administration’s Partido Federal ng Pilipinas,” suno sa former senator.
Matandaan nga ang gintingob sang administrasyon nga partido sa idalom sang Alyansa Para Sa Bagong Pilipinas senatorial slate amo ang Partido Federal ng Pilipinas (PFP), National Unity Party, Lakas-CMD, Nacionalista Party, kag Nationalist People’s Coalition.
Paathag sini, bugal niya nga mangin kabahin sang grand alliance, kag wala sang duda sa iya pinsar nga pananglitan magdaog siya sa masunod nga tuig, sigurado siya nga may salig sa iya si Marcos.
“Make no mistake – I am proud to be part of a grand alliance of our country’s five major political parties. I have no doubt in my mind that should I win next year, President Marcos fully recognizes my consistent role as a fiscalizer guided only by our shared motto: ‘Ang tama ay ipaglaban; ang mali ay labanan’,” kabahin sang statement.
Matandaan nga nagpadalagan si Lacson bilang independent presidential candidate sang 2022 kaupod si former Senate President Tito Sotto nga subong nagapadalagan man sa pagka-senador kag gina-endorso man ni Marcos.#
