Gina-agda sang Philippine Statistics Authority ang tanan nga mga ahensya sang gobyerno, local government units, academic institutions, state universities and colleges kag private sector sa national kag subnational levels nga magpasakop kag suportahan ang 35th National Statistics Month celebration subong nga October 2024.
Sa interview sang Bombo Radyo kay Dr. Alexander Balsomo, Chair sang Philippine Statistical Association, Incorporated, Region 6, iya ginpahayag nga santo sa Presidential Proclamation No. 647 nga ginpirmahan ni anay Presidente Corazon Aquino, ang kada bulan sang Oktubre ang gintalana sa pagsaulog sang National Statistics Month.
Lakip sa katuyuan sang National Statistics Month amo ang pag-promote, pag-enhance kag paghatag sag awareness kag appreciation sa importansya sang statistics sa nagkalain-lain nga sektor sang komunidad kag pagsuporta sa publiko sa pagpatin-ad sang kalidad kag standard sang statistics sa pungsod.
Tema subong nga tuig sang selebrasyon amo ang “Advancing Data and Statistics Through Digital Transformation: A Road to an Empowered Nation.”
Samtang sa mga mga luyag maglantaw sang mga statistical data, mahimo man mag search sa www. openstat.psa.gov.ph sa diin diri makit-an ang demographic and social statistics, economic statistics kag environment and multi-domain statistics.
