Balik-Pilipinas ang American pop rock band nga LANY para sa apat ka adlaw nga concert sa Bulacan kag Cebu.
Sa airport pa lamang, ginsugata na sang Pinoy fans ang lead vocalist nga si Paul Jason Klein kag ang drummer nga si Jake Goss.
Kabahin ang Pilipinas sa Asian leg sang “A Beautiful Blur” world tour sang amo nga banda.
Subong nga adlaw ang ila event sa Philippine Arena sa Bulacan samtang Oktubre 13-15 naman sa Waterfront Cebu City Hotel & Casino.
Katapusan sila nga nag-perform diri sa pungsod sang 2022 sa lima ka adlaw nga sold-out concert sa Mall of Asia Arena kun sa diin gin-updan pa sila nanday Zack Tabudlo kag Juan Karlos sa separado nga shows.
Kilala ang LANY sa ila hit songs nga “ILYSB”, “Malibu Nights”, “pink skies,” “Thru These Tears,” kag madamo nga iban pa.
