Maayo nga balita sa ARMY!
Gin-anunsyo sang South Korean record label nga BigHit Music nga malapit na lang makaguwa sa mandatory military service si J-Hope sang KPOP supergroup nga BTS!
Na-enlist sa military ang 30-anyos nga ‘on the street’ artist sang Abril 18, 2023 kag natalana ang release subong nga bulan.
Ginpahanumdom man sa fans nga wala sang ‘special events’ nga himuon kadungan sini agud nga wala sang pagginutok nga matabo.
“J-Hope is close to completing his active service in the army and will soon be discharged,” suno sa music label. “No special events are planned on the day of J-Hope’s discharge. To prevent any issues arising from overcrowding, fans are strongly advised to refrain from visiting the site.”
Si J-Hope, ukon si Jung Ho-seok sa matuod nga pangalan, amo ang ikaduha sa pito ka miyembro sang BTS nga makakumpleto sang mandatory military service sa South Korea.
Ang una amo si Jin nga napaguwa na sang Hunyo subong nga tuig.
Ginalauman ang pag-reunite sang BTS sa seven-piece act kun matapos naman sang lima ka iban pa nila nga miyembro (RM, Suga, Jimin, Jungkook, kag V) ang ila military service sa 2025.
