Patay ang punong barangay sang Dawis, Zarraga, Iloilo matapos nga mabungguan sang van sa nasambit nga lugar.
Ang biktima amo si Punong Barangay Belliardo Cerbolles, 58.
Ang driver naman sang nakabunggo nga van amo si Richard Carigaba, 49, residente sang Brgy. Sariri, Badiangan, Iloilo.
Sa imbestigasyon sang otoridad, nagatabok sa dalan ang biktima sang nabungguan ini sang van.
Ginpahayag nga madulom sa lugar kag wala natalupangdan sang driver sang van nga may nagatabok sa dalan.
Ginhingagaw pa nga madala sa ospital ang punong barangay apang ginbawian gid sang kabuhi bangud sa naangkon nga injury sa ulo.
Yara nasa kustodiya sang Zarraga Municipal Police Station si Carigaba.
