Wala napunggan sang isa ka delivery rider nga magpabutyag sang kalain sang buot matapos nga ginsakit ini sang iya customer sa Sta. Barbara, Iloilo.
Sa video nga kuha mismo sang rider nga si Alex Llanora Jr., nag-init ang ulo sang customer sa madugay nga paghulat sa iya nga order.
Suno naman kay Llanora, nagdeliver anay ini sang iban nga parcel bangud nadugayan man ini sa paghulat sa customer.
Sang nagbalik ini, nangakig na ang lalaki nga customer kag ginpakdol ang delivery rider.
