Nagpanawagan ang Human Rights Watch (HRW) sa Marcos administration nga magpanguna sa paghimo sang mga reporma sa kapulisan sa tunga sang mga exposé sa quad committee sa Kamara kaangot sa drug war ni anay Presidente Rodrigo Duterte.
Suno sa organisasyon, kinahanglan nga may pagbag-o sa law enforcement bangud may yara sang ginaalegar nga police corruption kag abuso nga ginpangbuyagyag sa ulihi nga hearings sang apat ka mga committee sa House of Representatives ukon quad comm.
Gin-cite pa sang human rights watchdog ang mga testimoniya sang mga testigo sa hearings kaangot sa extrajudicial killings sa nga drug operations sang pulis halin sang 2016.
Lakip diri ang ginaalegar reward system nga nagahalin as P20,000 tubtub sa P1-million sa kada mapatay nga drug suspect.
“Recent testimony in Congress brought to light the murderous police infrastructure during Duterte’s ‘war on drugs,’” suno kay Bryony Lau, deputy Asia director sa Human Rights Watch.
“President (Ferdinand “Bongbong” Marcos Jr.) should take immediate steps for meaningful reforms to the Philippine National Police and other police agencies,” dugang ni Lau.
Ginsiling man sang grupo nga dapat mag-imbestigar ang Department of the Interior and Local Government (DILG) kaupod ang Department of Justice (DOJ) agud nga ma-file ang nagakaigu nga mga reklamo batok sa police officer nga na-implicate.
“The Interior and Justice ministries need to follow-up on the congressional revelations and credibly investigate these ghastly crimes,” suno kay Lau. “Concerned foreign governments and donors should press the Philippine government to respond promptly to ensure that state institutions are not misused to perpetrate such horrifying abuses ever again,” dugang sini.
Ginduso man sang grupo nga dapat may mga pagbag-o sa Philippine Drug Enforcement Agency (PDEA) nga yara sa idalom sang Office of the President kag isa ka daku nga police partner sa anti-drug campaign.
Dugang sang organisasyon, dapat nga siguruhon sang presidente nga may kooperasyon sa International Criminal Court (ICC) sa imbestigasyon sa mga pagpamatay nga natabo kadungan sang drug war.
Sa latest development, nagpanginwala si Duterte nga may reward system sa war on drugs. Nagpahayag man ini sang intension nga mag-atubang sa quad comm agud klaruhon ang amo nga mga isyu.#
(Photo: Reuters)
