Isa si President Ferdinand Marcos Jr. sa nagtambong sa inagurasyon sang bag-o na-eleher nga presidente sang Indonesia nga si Prabowo Subianto subong nga adlaw.
Kagab-i, Oktubre 19, sang nag-abot ang presidente sa Jakarta kaupod si First Lady Liza Marcos.
Magluwas kanday Marcos, masobra 30 ka iban pa nga state leaders ang present sa kahiwatan kun sa diin gin-inagurahan man si Vice President-elect Gibran Rakabuming Raka nga bata ni outgoing Indonesian President Joko Widodo.
Suno sa Presidential Communications Office (PCO), ini isa ka pamatuod liwat sang mapag-on nga diplomatic ties sa tunga sang Pilipinas kag Indonesia sa masobra na pito ka dekada nga formal relations
Matandaan nga sang Septyembre 20, mismo si Prabowo ang nag-abot sa Manila para sa courtesy visit kay Marcos.
Kilala siya nga anay military general kag defense minister sang Indonesia nga nagdaog sa February presidential election sa wide margin.
100,000 naman ka police and military personnel ang gin-deploy agud nga masiguro ang seguridad sa inauguration ceremony lakip na ang snipers kag anti-riot units nga magapabilin sa venue tubtub sa October 23.
Magluwas diri, natalana man nga magpadala ang Indonesian Air Force sang apat ka F-16 jets agud nga mabantayan ang mga eroplano nga sakyan sang foreign dignitaries nga magatambong sa inagurasyon.
