ILOILO CITY- Excited na ang mga Ilonggo para sa nagahilapit nga coronation night sang Lin-ay sang Iloilo 2024.
18 ka mga kandidata gikan sa nagkalain-lain nga banwa ang magapaindis-indis para makuha ang prestihiyoso nga titulo.
Ang tagsa ka kandidata may yara sang adbokasiya nga nagasentro sa promosyon sang turismo, kultura kag tradisyon.
Sa interview sang Bombo Radyo kay Dr. Jose J. Patubo, presidente sang Association of Iloilo Tourism Officers, iya ginpahayag nga ang mga kandidata amo ang title-holder sa festival sa kada banwa.
Suno kay Patubo, pinasahi ini nga pageant bangud nga ang interview portion ang ipaagi sa tour-guiding kun sa diin i-promote sang kandidata ang iya banwa kag kun ano ang mga butang nga mapadayaw sini.
Dugang pa ni Patubo, ginahatagan man balor sang pageant ang promosyon sang lengguahe nga Hiligaynon bilang importante nga parte sang kultura sang mga Ilonggo.
Ang coronation night ang patigayunon sa Passi City Arena sa Oktubre 29,2024.
