Nagbaskog pa kag nangin isa na ka Tropical Storm ang Bagyo Kristine nga ginabantayan sa sulod sang Philippine Area of Responsibility.
Magapabilin naman ini bilang isa ka Tropical Storm sa sulod sang 24 oras.
Ini ang ginabanta magahulag westward subong nga aga antes ini maghulag pa west northwestward tubtob northwestward karon sa hapon ukon tubtob sa forecast period.
Possible ini nga mag-landfall sa Isabela sa bwas kag mangin isa ka Severe Tropical Storm.
Ang bagyo ang ginalauman nga mangin Typhoon sa Byernes samtang yara sa Philippine Sea.
Magwa naman ini sa Philippine Area of Responsibility sa Byernes sang gab-i.
Ang sentro sang Tropical Storm Kristine ang ginabanta yara sa kalayuon nga 390 km East sang Virac, Catanduanes.
Dala sini ang kabaskugon sang hangin nga nagadangat sa 65 km/h malapit sa sentro kag pagmadlos nga tubtob sa 80 km/h.
Nagahulag ini pa Westward sa kadasigon nga 15 km/h
Sa subong, nabatak ang Tropical Cyclone Wind Signal No. 1 sa pila ka mga lugar sa Luzon, Visayas kag Mindanao sa diin may yara sang minimal to minor nga pamahog sa kabuhi kag propedad.
𝗟𝘂𝘇𝗼𝗻
Eastern kag central portions sang mainland Cagayan, Aurora, eastern portion sang Rizal, eastern portion sang Laguna, northern kag eastern portions sang Quezon lakip na ang Polillo Islands, Marinduque, Romblon, Camarines Norte, Camarines Sur, Catanduanes, Albay, Sorsogon, kag Masbate lakip na ang Ticao Island kag Burias Island
𝗩𝗶𝘀𝗮𝘆𝗮𝘀
Eastern Samar, Northern Samar, Samar, Leyte, Biliran, kag Southern Leyte
𝗠𝗶𝗻𝗱𝗮𝗻𝗮𝗼
Dinagat Islands kag Surigao del Norte lakip na ang Siargao – Bucas Grande Group
