Ginselebar ni Jaylen Brown ang iya 28th birthday paagi sa maayo nga performance sa 122-102 nga kadalag-an sang Boston Celtics batok sa Washington Wizards sa pagbukas sang regular season sa NBA.
Nagbubo si Brown sang game-high 27 points nga may eight rebounds, four steals, kag three assists.
Daku na ang nalab-ot sang Celtics star halin sang gin-draft ini bilang third overall sang Boston sang 2016.
Nagpirma ini sang five-year contract extension balor $304 million antes ang 2023-24 campaign, kag sa pagtakop sang season, ang three-time All-Star amo ang ginkilala nga Eastern Conference Finals MVP kag NBA Finals MVP.
Sang siya naga-edad pa lamang sang 22-anyos, siya man ang pinakabata nga na-eleher nga vice president sang National Basketball Players Association. Kilala man siya sa bulig sa komunidad paagi sa 7uice Foundation nga naga-address sang social issues kaangay sang education kag income inequality.
Sunod nga atubangon sang Celtics sa Eastern Conference subong nga regular season ang Detroit Pistons 7:00 buwas sa aga, Oktubre 27 (PHT).
