Nagdangat sa 24 ka mga electric cooperatives sa pungsod ang nakarekord sang halit bangud sa Bagyo Kristine.
Suno sa National Electrification Administration (NEA), ang inisyal nga halit sa imprastraktura sa mga electric cooperatives ang nagdangat sa P70.25 million.
Bangud sa bagyo, ginpaidalom sa state of calamity ang Calabarzon, Bicol, kag Eastern Visayas region sa diin may yara sang disruption sa electricity services.
Suno naman kay NEA Administrator Antonio Mariano Almeda, ginapadasig na subong sang mga apektado nga electric cooperatives ang ila ginahimo nga tikang agud gilayon nga makabalik sa normal ang operasyon sa kuryente.
Sa subong, nagapadayon pa ang pagkaayo sa mga distribution lines sa franchise areas sang electric cooperatives sa Albay (ALECO), Batangas (BATELEC I), Camarines Sur (CASURECO II and III), kag Pangasinan (PANELCO I).
