Election day na subong sa America kun sa diin minilyon ka mga Americans ang magapili sang masunod nga presidente sa tunga nanday Vice President Kamala Harris kag former President Donald Trump nga kada isa nagakinahanglan sang 270 electoral votes para magdaug.
244 million ka mga Americans ang eligible nga magboto kun sa diin 82 million ang una na nga nakaboto.
Handom ni Harris nga mangin pinakaunan nga babaye, Black, kag Asian-American nga magapamuno sa pungsod.
Ginapakilala niya ang iya opponent nga si Trump bilang pamahog sa demokrasya, samtang gina- emphasize ang commitment sa pagprotekta sa reproductive rights kag pagbuhin sang housing kag healthcare costs.
Siya ang nangin replacement candidate sang Democrats sang nag-atras si US President Joe Biden.
Si Trump naman nga handom ang isa ka political comeback, ang naga-capitalize sa polls nga nagapakita nga pabor ang mga Americans sa iya economic leadership kontra kay Harris.
Nanumpa man ini sang iya hugot nga panindugan sa immigration, kag ginpromisa ang mass deportations kag pagpatuman sang tax cuts.
Kun magdaug, si Trump ang mangin una nga incoming president nga na- indict kag na-convict sang felony.
Ginpadayaw sang Republican presidential candidate nga si former president Donald Trump nga wala ini sang ano man nga paghinulsol sa dalagan sang iya kampanya.
Ini kadungan sang iya pagboto sa Palm Beach, Florida.
Suno kay Trump, ini ang pinakamaayo niya nga kampanya kun ipaanggid sang nagligad nga duha ka eleksyon kun sa diin una siya nangin presidente sang 2016 batok kay Hillary Clinton apang napierde sang 2020 batok kay President Joe Biden.
Pananglitan naman nga malutos, iya ginsiling nga batunon niya kag respetuhon ng resulta sang eleksyon.
Nagboto naman si Republican vice presidential nominee JD Vance sa Cincinnati, Ohio.
Matapos nagboto, ginsiling ni Vance nga ginboto niya si Trump kag naghatag sang Election Day endorsement para kay Bernie Moreno sa U.S. Senate race batok kay incumbent Democrat Sherrod Brown.
Sa bahin naman ni Harris, temprano pa ini nga nagboto antes pa man ang election day pinaagi sa mail.
Samtang ang iya running mate naman nga si Governor Tim Walz ang nag-early vote sang October 23 sa Minnesota.
