Nagtawag na si Vice President Kamala Harris kay former President Donald Trump agud magpanginbulahan sa kadalag-an sini sa 2024 US presidential election.
Sa amo man nga tawag naplastar ni Harris ang matawhay nga transfer of power kag ginhingyo nga mangin presidente si Trump sa tanan nga mga Amerikano.
“[Harris] called President-elect Trump to congratulate him on winning the 2024 presidential election. She discussed the importance of a peaceful transfer of power and being a president for all Americans,” suno sa senior aide sang bise-presidente.
Ginalauman naman nga magahatag sang mensahe si Harris sa Howard University sa Washington, D.C. ginabanta alas kuwatro sa hapon (Nobyembre 6, oras sa district).
Maragtason ang pagbalik ni Trump, 78, sa pinakamataas nga posisyon sa Estados Unidos Unidos matapos ini nalutos sa 2020 election sa kamot ni current President Joe Biden.
Natabo man ini nga comeback apisar sang iya tuyo nga baliskadon anay ang resulta sang nagligad nga eleksyon, may ginapangatubang nga duha ka presidential impeachments, kay may yara sang criminal conviction kag iban pa nga criminal charges.
Nakuha sini ang kadalag-an matapos nalab-ot ang 270 Electoral College votes nga kinahanglan para maangkon ang ikaduha sini nga presidency.
