Nagpanugyan ang supermarket owners sa mga consumer nga temprano nga magbakal sang mga kinahanglanon sa Noche Buena para nga makakinot.
Suno sa Philippine Amalgamated Supermarkets Association (PAGASA), ginalauman na ang adjustments sa presyo samtang nagahilapit ang Christmas kag ginahulat na lamang nila ang price guide sa Noche Buena items nga ipaguwa sang Department of Trade and Industry (DTI).
Sandig sa data sang Philippine Statistics Authority (PSA), ang presyo sang Noche Buena ingredients kaangay sang sweet ham, fruit cocktail, processed cheese, mayonnaise, kag spaghetti sauce ang nakitaan na sang gamay nga pagsaka halin sang September tubtub sa October.
Ginpahayag naman sang asosasyon nga mas maayo kun hingalitan sang consumers ang oportunidad nga magbakal sini nga goods sa mas barato pa nga presyo.
Pahayag naman ni Atty. Cherryl Carbonell, officer-in-charge sang Consumer Protection and Advocacy Bureau sang DTI, malapit na lamang iga-anunsyo ang price guide sa sini nga items para nga makabulig man sa publiko nga mag-budget kag makalantaw kun ano ang ili pilian para sa handa sa Paskuwa.
Una na nga ginsiling sang ahensya nga subong nga Nobyembre iga-publish ini nga guide bangud gintun-an pa nila kun i-grant ang price adjustments santo sa petisyon sang pila ka manufacturers.
