Mangin istrikto ang Department of Trade and Industry (NBI) sa monitoring sang Noche Buena items sa bilog nga pungsod matapos nga ginpaguwa na ang price guide.
Pananglitan may overpricing, mahimo ini direkta nga ma-report sa ahensya paagi sa 1-DTI hotline (1-384) ukon i-email sa consumercare@dti.gov.ph.
Kadungan sini, nagpahanumdom man ang ahensya sa publiko nga mag-doble sa pag-check sa expiration dates para masiguro ang product quality kag ikonsiderar man ang bulk purchases para sa potential cost savings per unit.
Sa statement sang DTI, covered sang price guide ang 236 shelf-keeping units sang Noche Buena items sa kategorya sang ham, queso de bola, fruit cocktail, cheese, sandwich spread, all-purpose cream, mayonnaise, pasta, elbow kag salad macaroni, tomato kag spaghetti sauce.
May pagsaka sa presyo sa pila brands sa tanan nga categories lakip na sa ham nga naga-range sa P170 to P928.50 depende sa size, kag sa queso de bola nga ang presyo nagahalin sa P210 to P445.
Suno pa sa ahensya, ang 121 ka SKUs ang may amo sa gihapon nga presyo samtang 12 naman ang may price reductions.
Yari ang iban nga price ranges sandig sa gin-publish nga price guide:
These are the price ranges for key Noche Buena items:
Ham: P170 to P928.50
Queso de bola: P210 to P445
Fruit cocktail: P61.76 to P302.50
Cheese: P56.50 to P310
Mayonnaise: P20.40 to P245.85
All-purpose cream: P36.50 to P72
Sandwich spread: P27 to P263.60
Pasta/spaghetti: P32 to P114
Elbow macaroni: P30.50 to P126.25
Tomato sauce: P16.50 to P92.85
Salad macaroni: P36.50 to P126.25
Spaghetti sauce: P28.50 to P103
Ginpahayag sang DTI nga ini nga mga presyo ang magapabilin tubtub sa Disyembre 31, 2024.
Ini nga price guide ang ginalauman nga makabulig sa mga Pinoy nga mapaanggid ang mga presyo kag makapili sang produkto nga sulod sa budget kag sa nagustuhan subong nga holiday season.
