Natalana nga pasidunggan ang mga barangay sa Iloilo City sa nanuhay-tuhay nga mga kategorya sa idalom sang JPT Ediscape nga programa.
Sa interview sang Bombo Radyo kay Mr. Inigo Garingalao, head sang City Agriculturist Office, iya ginpahayag nga ini nga mga kategorya ang ginalakipan sang integrated gardening, container gardening, streetscaping gardening, kag horizontal gardening.
Suno kay Garingalao, kabahin ini sang inisyatibo sang syudad sa pag-address sa food sufficiency kag paghatag sang healthier food options halin sa ila mismo ugsaran.
Suno kay Garingalao, sa sini nga programa, ginaengganyo man ang mga pamatan-on nga magpakigbahin sa urban gardening agud maga- provide sila para sa ila kinahanglanon kag makahimo sang palangitan-an para sa ila.
Pahayag niya, subong nga tuig, may yara sang feeding program component kun sa diin required ang mga barangay nga magpakaon sa mga kabataan ilabi na ang mga malnourished.
Nahibaluan nga subong ang ikaapat na nga tuig nga ginahiwat ini nga kompetisyon.
Patigayunon ang awarding sa December 2.
