Nagakahangawa subong ang mga pumuluyo sa Barangay Balabago, Jaro, Iloilo City bangud sa madata nga pagkinawatay.
Sa interview sang Bombo Radyo kay Punong Barangay Antonio Jacuba sang Balabago, iya ginpahayag nga lima na ka kinawatay ang narecord sang damlag lang.
Suno kay Jacuba, mga pangayaw ang ginapatihan nga mga kawatan sa ila barangay.
Pahayag niya, may residente nga nakakita nga may mga tawo nga nagakuha sang laragway sang mga dalagko nga balay.
Suno sa iya, posible nga pamaagi ini sang mga kawatan sa pagpangita sang ila target.
Nagpahanumdom naman ini sa mga pumuluyo nga mag-aligmat gid kag kun mahimo, indi pagbayaan nga wala sang tawo ang balay.
