Ginplastar sang chairman sang Committee on Infrastructure sa Sangguniang Panlalawigan ang pila sa mga rason sang madata nga mga aksidente sa dalanon kag ang mga pamaagi agud malikawan ang mga ini.
Sa iya privilege speech nga may tig-ulo “Stop Accidents Before They Stop You”, ginpahayag ni Iloilo 4th District Board Member Rolando Distura nga makaalarma ang mga aksidente sa Iloilo kun sa diin madamo ang nagkalamatay.
Suno kay Distura, subong lang nga tuig, yara na sa kapin 3000 ang narecord nga vehicular accidents sa Iloilo.
Ginpahayag ni Distura nga pila sa mga rason amo ang pigado nga road conditions; driver behavior kaangay sang reckless driving, discourtesy, kag disregard for traffic rules; kag mga risk factors kaangay sang pag-inom sang alcohol,nagakatulugan, nagapanigarilyo ukon nagagamit sang mobile phones, kag may yara man sang nagagamit sang druga.
Pila naman sa nagakadapat himuon suno kay Distura agud malikawan ini amo ang collective information dissemination kag training kag pag-deputize sa Law Enforcers/Multipliers (Traffic Enforces) sang Land Transportation Office ukon Philippine National Police Highway Patrol Group; pag- improve sang Bantay Dalanon;strikto nga pagpatuman sang policies kag regulations sa pag-angkon sang driver’s license; pagpahamtang sang street lights kag madamo pa nga pamaagi.
Suno sa natungdan, sa pihak sang sini nga proposals, maathag gihapon nga lapnagon ang road hazards kag kinahanglan ini nga i-address.
Kinahanglan man nga imbestigaran agud matumod ang accountability sa sini nga road hazards.
Dugang niya, responsibilidad nila bilang public servants agud i-identify kun sin-o ang may salabton agud makadihon sang polisa nga nagaprotekta sa riding public kag sa pumuluyo.
