Gin-ako ni President Ferdinand Marcos, Jr. nga nagpadala siya sang mensahe sa iya mga kaalyado nga indi na pagpadayunon ang pag-file sang impeachment complaint batok kay Vice President Sara Duterte.
Ini ang kasunod man sang paglapta sang nasambit nga mensahe kahapon, Nobyembre 29.
Sa interview sang Bombo Radyo kay Marcos sa iya pagbisita sa Lucena City, Quezon, iya ginpahayag nga ang nasambit nga mensahe ang isa kuntani na private communication.
Suno kay Marcos, nakibot ini nga nag-leak na ang nasambit nga mensahe.
Ginpahayag sang presidente nga kaugalingon niya nga opinion nga indi importante nga tawo si Duterte kag indi man dapat pag-uyangan sang tyempo ang impeachment sa iya.
Kun madayon ang impeachment suno sa presidente, kaunon lang sini ang tyempo sang Senado kag Kamara.
Magluwas diri, wala man ini sang mayo nga madulot suno sa presidente sa kabuhi sang mga Pilipino.
“Well, it was actually a private communication but naleak na, yes. Because that’s really my opinion. This is not important. This does not make a difference to even one single Filipino life. So why waste time on it. What will happen if somebody files an impeachment? It will tie down the House, it will tie down the Senate. It will just take up all our time and for what? For nothing, for nothing. None of this will help improve a single Filipino life,” pahayag ni Marcos.
Samtang, daw kaangay nga wala man nagakadulaan sang paglaom ang presidente nga magbalik sa maayo ang ila relasyon ni Duterte.
“Never say never,” dugang pa ni Marcos.
