Tatlo ang patay kag 28 ang na-ospital sa coastal municipality sang Datu Blah Sinsuat sa Maguindanao del Norte matapos nagkaon sang pawikan.
Ang mga biktima ang lunsay naghalin sa Teduray indigenous tribe.
Suno sa report sang Municipal Disaster Risk Reduction and Management Office (MDRRMO), ang napatay amo ang 68-anyos nga lalaki, iya anak nga 48-anyos man nga lalaki, kag isa pa gid ka tawo nga nagaedad sang 56-anyos.
Lakip naman sa naga-recover pa lamang sa ospital amo ang anum ka menor de edad kag duha ka mga nagabusong nga babaye.
Suno sa MDRRMO, nabakal ang pawikan sa balor nga P300 kag ginluto nga daw adobo para sa ila panyaga.
May mga nagsiling nga pula ang shell sang pawikan nga ila nabakal apang indi na ini maklaro sang otoridad bangud sang nag-abot sila, nasunog na sang mga tawo ang shell bangud sa sobra nila nga kaakig.
Ang mga nagkaon sang sini nga sapat ang nagpalanuka, naglain ang tiyan, kag gindala sa Lebak District Hospital.
Mangin ang mga ido, kuring, kag mga manok nga nagkaon sang pawikan ang napatay man.
Una naman nga nakapaandam ang otoridad sa mga residente nga indi magkaon sang wildlife ilabi na ang endangered ukon threatened species.
