Ginbawi na ni South Korean President Yoon Suk Yeol ang pagpatuman sini sang Martial law.
Ang nasambit nga pagbawi ang kasunod sang pagpasar sang mosyon sang South Korean parliament sa ginpatigayon nga National Assembly nga nagapanawagan sang pagdula sang Martial Law.
Suno kay Yoon, magasunod ini sa nasambit nga desisyon sang mga mamalidha gani ginmanduan na niya ang mga military nga magbalik na sa ila kampo.
Nahibaluan nga makakas lang ang Martial Law pinaagi sa pagsinapol sang State Council ukon gabinete.
Subong nga aga pa lang patigayunon ang pag-convene sang State Council kag kinahanglan sang quorum agud maaprubahan ang nasambit nga resolution.
Nagpanawagan man ini sa National Assembly nga untatan na ang wala pulos nga tikang kaangay sang panawagan nga impeachment, legislative manipulations kag budget manipulation mga magaguba sa estado.
