Nagbalik na sa normal ang sitwasyon sa South Korea matapos ginbawi na ni South Korean President Yoon Suk Yeol ang pagpatuman sang Martial law.
Mangin ang mga Pinoy sa South Korea ang nagapabilin nga kalmado.
Suno kay Bombo Mary Lyn Ferrer, international correspondent sa South Korea, wala nauyunan sang mga residente sa nasambit nga pungsod ang desisyon ni President Yoon.
Sa pagkamatuod suno sa natungdan, ginhimo lang ini ni President Yoon agud matabunan ang mga kapalpakan sini sa iya pagpamuno.
Indi man suno sa natungdan madula ang posibilidad nga ma-impeach si President Yoon bangud sa iya ginhimo nga pagdeklara sang Martial law.
Apang bangud sa kahadlok sini sa mangin epekto sang iya desisyon, ginbawi man sini ang deklarasyon.
Ang nasambit nga pagbawi ang kasunod sang pagpasar sang mosyon sang South Korean parliament sa ginpatigayon nga National Assembly nga nagapanawagan sang pagdula sang Martial Law.
Suno kay Yoon, magasunod ini sa nasambit nga desisyon sang mga mamalidha gani ginmanduan na niya ang mga military nga magbalik na sa ila kampo.
Nagpanawagan man ini sa National Assembly nga untatan na ang wala pulos nga tikang kaangay sang panawagan nga impeachment, legislative manipulations kag budget manipulation mga magaguba sa estado.
