Ginalantaw nga magasaka ang balayran sa kuryente sa 2025 matapos gin-aprubahan sang Energy Regulatory Commission (ERC) ang koleksyon sang P3.05 billion halin sa households.
Ini nga binilyon nga kantidad amo ang naga-represent sang nabilin nga 70% sang recalculated nga Reserve Trading Amount nga amo ang nagapondo sang transactions sa Wholesale Electricity Spot Market (WESM).
Kinahanglan ini nga kantidad para sa power generators kag suppliers nga maka-comply sa market requirements kag maka-partisipar sa reserve trading nga amo naman ang nagabulig sa pag-maintain sa grid stability kag reliability.
Ang consumers sa Luzon kag Mindanao ang makabatyag sang P0.124 per kilowatt-hour nga saka sa balayran sa sulod sang tatlo ka bulan, samtang ang mga yara naman sa Visayas ang may yara sang increase nga P0.033 per kilowatt-hour para sa anum naman ka bulan.
Base sa paathag sang ERC, ang na-defer anay nga payments ang nag-ugat sa moratorium nga ginpatuman sang nagligad nga Marso 26. Bangud sa moratorium, gin-suspinde ang billing para sa co-optimized energy kag reserve sang WESM bangud sa concerns sa Price Determination Methodology nga aprubado sang ERC.
Antes sini, gin-calculate sang National Grid Corp. of the Philippines (NGCP) nga P9.1-billion ang iga-collect halin sa households.
Apang, nagpatigayon sang recalculation ang Independent Electricity Market Operator of the Philippines (IEMOP) kun sa diin nakasaad nga ang amount nga kinahanglan i-collect amo ang P8.8 billion.
Sang Mayo 9, gintugutan sang ERC ang energy providers nga mag-collect sang 30% sang P8.8 billion sang tion nga may moratorium.
May isa pa gid ka recalculation sa February kag March bills kag sunod nga nagmandu ang ERC sa IEMOP nga i-adjust ang value sang remaining 70% sang March billing month para i-consider ang non-compliance data halin sa NGCP.
Bangud sa deduction nga P725 million (nga resulta sang non-compliance data) ukon instances kun sa diin wala nalab-ot sang power suppliers ang electricity reserve capacity requirements, nagtupa na lamang ang remaining balance P3.05 billion nga kinahanglan kolektahon sa households.#
