Nagareklamo ang pila ka vendors sa Jaro Public Market bangod sa mataas nga kuryente nga ila ginabayaran kada bulan.
Sa interview sang Bombo Radyo sa pila ka vendors, ila ginpahayag nga P760 ang minimum nga balayran nila sa kuryente, apisar magamay lamang ang ila konsumo.
Suno pa sa iya nga wala pa nakaagi nga naglab-ot sa minimum kilowatt-hour consumption ang iya nga tindahan, apang wala pa siya nakaeksperyensya nga magbayad sang mas manubo sa P760.
Suno kay Haidi, apisar mataas ang minimum nga balayran sa kuryente, wala sila sang mahimo bangod amo ini ang patakaran sa merkado.
May kahadlok man ang pila ka vendors nga basi pahalinon sila sa ila mga pwesto kon padayon sila nga magreklamo.
Samtang, nagpanawagan man ang iban nga vendors nga mabuligan sila nga makakonekta sang direkta sa MORE Power, bangod sa subong, sa mother meter sang city government sila nakakonekta.
Nagalaum ang mga vendors nga paagi sa direkta nga koneksyon sa MORE Power, posible nga mangin manubo ang ila ginabayaran sa kuryente kada bulan.
