Nagapabilin nga pinakamanubo nga average electricity rate sa Western Visayas ang iya sang MORE Electric and Power Corporation (MORE Power) para sa bulan sang Septyembre.
Kasunod ini sang gamay nga pagnubo sang ila pagsukot sa kuryente.
Sandig sa rate advisory sang kumpanya, nagnubo sa P14.42 kada kilowatt-hour (kWh) ang ila average residential rate halin sa P14.45 sang Agosto, kun sa diin P0.0293 per kWh ang nabuhin.
Ang pagnubo sang presyo ang bangud sa pagnubo sang generation charge, halin sa P7.63 pakadto sa P7.57 kada kilowatt-hour (kWh), bangud sa implementasyon sang Regional Secondary Price Cap (RSPC).
Yari naman ang rate sang iban nga power utilities sa rehiyon:
-Aklan Electric Cooperative Inc. (AKELCO)-P15.1185 kada kWh
-Iloilo Electric Cooperative I (ILECO I)-P15.7921 kada kWh
-Iloilo Electric Cooperative II ILECO II -P15.8627 kada kWh
-Antique Electric Cooperative Inc. (ANTECO)-P15.9117 kada kWh
-Iloilo Electric Cooperative III (ILECO III)-P16.4959 kada kWh
Ang Capiz Electric Cooperative (CAPELCO) naman ang may pinakamataas nga rate sa pito ka utilities nga naglab-ot sa P17.3312 kada kWh.
Text by: Bombo Kenea Hope Dellaba
