Nagpanawagan naman ang Bureau of Fire Protection sa publiko nga hugton ang fire safety precautions sa ila tagsa ka puluy-an antes maglakat sa patyo.
Ini nagalakip sa pag-sigurado nga napangkuha ang mga ginpangsaksak nga mga gadgets kag appliances kag pagpatay sang mga butang nga mahimo tunaan sang kalayo kaangay sang ginalutuan ukon kandila.
Suno kay Senior Officer 1 Denmark Macoco, chief sang Investigation and Intelligence Unit sang Iloilo City Fire Station, iya ginpahayag nga kun magbilin man sang kandila, siguraduhon nga yara ini sa lugar nga indi madali matumba kag malayo sa mga butang nga masunog gilayon, agud malikawan ang aksidente sang sunog.
Nahibaluan nga base sa rekord sang BFP, may yara sang pito ka insidente sang sunog sang tuig 2025, lakip na ang duha ka insidente nga may kaangtanan sa kandila.
Sang Nobyembre 1 sang nagligad man nga tuig, may isa ka panimalay nga nasunog bangud nalipatan nga mapatay ang electric fan.
Gane, panugyan pa ni Macoco nga indi magpakampante kag sundon ang ini nga mga panugyan agud malikawan ang pagluntad sang sunog subong nga nagahilapit ang Pista Minatay.
