Naga-amat-amat na damo ang mga nagabaligya sang bulak sa Iznart Street, Iloilo City, samtang nagahilapit ang selebrasyon sang Pista Minatay.
Sa interview sang Bombo Radyo kay Jan Mar, sa isa ka flower vendor, iya ginpahayag nga magasugod sila sa pagbaligya halin subong nga adlaw, Oktubre 29, tubtob Nobyembre 2, 2026, agud maserbisyuhan ang mga nagabakal sang bulak para sa ila mga minatay.
Suno kay Jan Mar, naka-depende sa klase kag arrangement ang mangin presyo sang bulak nga pagabaklon.
Pahayag pa sini nga nag-halin pa sa nagkalain-lain nga probinsya, lakip na ang Benguet, Cebu, kag Davao ang mga bulak nga ila nga ginabaligya rason nga ang iban sini ang medyo may kamahalan man.
Apisar pa sa pagsaka sang presyo sang bulak, nagalaom naman sila nga mga flower vendor nga madamo sa gihapon ang magbakal sini agud ihalad sa mga lulubngan sang ila mga pinalangga nga napatay.
