Tapuson na sang House Committee on Good Government and Public Accountability subong nga adlaw, Disyembre 9, ang ila nga hearings kaangot sa confidential funds sang mga opisina ni Vice President Sara Duterte.
Suno kay Manila 3rd District Representative Joel Chua nga amo ang chairperson sang committee, kun takpan na nila ang ila imbestigasyon subong nga Lunes, makahatag-ligwa ini sa Armed Forces of the Philippines (AFP) nga mag-imbestigar man sa alegasyon nga may duha ka mga katapo sang military nga nakabaton sang portion sang confidential funds halin sa mga opisinan ni Sara.
Magluwas diri, ginpahayag ni Chua nga may mga impeachment complaints na batok kay Sara gani nag-wrap up na sila para nga indi na magamit ang panel bangud ang ila tuyo amo lamang ang imbestigasyon “in aid of legislation.”
“May mga nag fa-file na rin ng impeachment sa ating Bise Presidente kaya minarapat po namin na i-wrap up na po ito ng sa ganoon ay hindi na po ito magamit dahil we have to be remided na ang purpose talaga nitong ginagawa naming imbestigasyon ay in aid of legislation,” pahayag sini.
Mangin open session ang hearing subong nga Lunes nga tambungan lamang sang panel members kag magatutok sa legislative measures agud ma-address ang mga isyu nga nagapalibot sa paggamit sang confidential funds.
