Patay matapos ginluthang ang isa ka manunudlo nga bag-o lang nakapasar sa Licensure Examination for Teachers (LET) sa Pikit, Cotabato.
Ang biktima amo si Yasser Abdullah, isa ka part-time teacher sa isa ka private school.
Suno sa Cotabato Police Provincial Office, ang biktima nagaserbe man nga treasurer sa Barangay Macabual sa idalom sang Special Geographic Area ng Bangsamoro Autonomous Region in Muslim Mindanao (SGA-BARMM).
Base sa imbestigasyon, nakasakay na sa motorsiklo ang biktima kag bag-o lang naggwa sa eskwelahan sang ginluthang siya sang mga lalaki nga sakay man sa motorsiklo.
Nag-angkon sang igo sang bala sa ulo kag nagkalain-lain nga parte sang lawas ang biktima.
Padayon pa ang imbestigasyon sang pulis para makilal-an ang mga kriminal kag ang motibo sa pagpangluthang.
