Gin-report sang National Aeronautics and Space Administration (NASA) nga safe kag normal sa gihapon ang operasyon sang ila nga spacecraft nga Parker Solar Probe matapos nakumpleto ang misyon nga magpalapit sa adlaw.
Naglabay ang spacecraft sa distansya nga 3.8 million miles (6.1 million km) halin sa adlaw sang Disyembre 24 nga amo ang pinakamalapit nga distansya nga nahimo sang anuman nga bagay nga ginhimo sang tawo.
Nakalab-ot ini sa outer atmosphere sang adlaw nga ginatawag nga “corona.”
Tuyo sang misyon nga ini nga mas mapasangkad ang ihibalo sang scientists kaangot sa adlaw nga amo ang pinakamalapit nga bituon sa kalibutan.
Ginalauman nga makapadala ang spacecraft sang mas detalyado nga telemetry data kaangot sa status sini sa Enero 1.
Naka-eksperyensya ang spacecraft sang 1,800 degrees Fahrenheit (982 degrees Celsius) nga temperature bangud sa amo nga misyon suno pa sa NASA website.
Ini nga Parker Solar Probe ang ginlunsar sang 2018 kag may mga ginapreparar pa subong ang team agud nga madugangan pa ini nga misyon kag mas madugangan pa ang ihibalo sang mga tawo.
